Konur á rófinu
Sjálfsstyrkingarnámskeið ætlað konum (hún, kvár/hán með leg, transkonur á kvenhormónum) sem eru á einhverfurófi eða með grun um að vera á rófinu.

Fræðsla, verkefni og umræður fyrir konur á einhverfurófi tengt líðan, félagsþátttöku og áhrif hormóna. Námskeiðið byggir á valdeflandi nálgun og jafningjastuðningi.

Námskeiðskostnaður er 49.900 kr, hægt er að kanna með styrki hjá stéttarfélögum.

​

Þetta námskeið er ólíkt frá námskeiðinu Vöxtur og vegferð að því leiti að hér er fræðslan sérsniðin að þörfum kvenna á rófinu eða með grun um að vera á rófinu ásamt verkefnavinnu. Tekið er sérstaklega mið af þörfum og líðan kvenna á námskeiðinu og þær vinna verkefni sem hafa það markmið að auka sjálfsþekkingu og sjálfsskilning. Námskeiðið er mjög verkmiðað gegnum ólík verkefni og fræðslu í tímunum en einnig gefst þeim kostur á að eiga umræður utan námskeiðsins á meðan námskeiðið stendur yfir. Innifalið er viðtal hjá iðjuþjálfa í lok námskeiðsins til að styðja þátttakendur í að móta sín næstu skref í lífinu t.d. tengt endurkomu í nám og/eða starf út frá þeirri þekkingu og reynslu sem þær taka með sér að námskeiðinu loknu.

Þátttöku fylgir aðgengi að gagnlegum upplýsingum á innri vef Heimastyrks og verkfæri til að ná betri tökum á eigin líðan, orkustjórnun og markmiðasetningu t.d. tengt sjálfsmynd, skipulagi og rútínu og mögulegri endurkomu í nám eða vinnu þar sem styrkleikar þeirra og hæfileikar fá að njóta sín. Þátttakendur fá tækifæri á að læra að taka tillit til og mæta þörfum sínum og áskorunum sem geta reynst hindrun til að ná að sinna daglegu lífi, ólíkum hlutverkum og upplifa jafnvægi í daglegri iðju, innan og utan heimilis.

​

Næstu námskeið hefjast:

Miðvikudagana 12. mars til 9. apríl (athugið, ekki tími 26. mars) milli kl. 13:00-15:00.

Miðvikudagana 4.-25. júní kl. 13:00-15:00.

Skráning fer fram hér.

Umsjón með námskeiðinu hefur Guðrún Hallgrímsdóttir iðjuþjálfi með diplómu á meistarastigi í handleiðslufræðum sem býr að áralangri reynslu af þjónustu og samstarfi við einstaklinga á ólíkum aldri, fjölskyldur og öll kyn sem eru með greiningar eða grun um að vera á einhverfurófi og mögulega líka með ADHD og áskoranir í skynúrvinnslu tengt hljóði, birtu, lykt, bragði, snertingu og öðrum fylgiröskunum eins og t.d. málþroskaröskun (DLD), Ehlers-Danslos syndrome (EDS), POTS og fleiri áhrifaþætti á heilsu, vellíðan og færni við iðju. 

​

Umsagnir þátttakenda á námskeiðinu Konur á rófinu:

Mér fannst ótrúlega gott að fá ákveðna viðurkenningu á því að sumir hlutir eru erfiðir fyrir mig og það er ekki bara ég að vera léleg.

​

Gagnlegt, hefur hjálpað mér að hugsa hlutina öðruvísi og hjálpa mér að skilja mig betur.

Námskeiðið opnaði vissar pælingar gagnvart lífinu og hvernig hægt er að nálgast það með sjálfið í forgangi.

​

Námskeiðið kom mér skemmtilega á óvart og þá aðallega þau bjargráð sem kennd voru og nýtast svo vel.

​

Námskeiðið er algjörlega frábært og ég þakka innilega fyrir það, það er búið að hjálpa mér mikið að skilja sumt í nýju samhengi 💞

​

Fannst námskeiðið áhugavert og tengdi mikið við það sem kom fram og var rætt.

​

Mjög gott, mikil ró, hæfilegur fjöldi kvenna og manni er tekið með opnum örmum.

 

Guðrún er með frábæra og kærleiksríka innsýn í málefnið.

 

Mér finnst námskeiðið hjálplegt.

 

Bara ótrúlega flott og skemmtilegt námskeið, spennt að nýta mér upplýsingarnar og verkefnin. 

 

Námskeiðið kom mér skemmtilega á óvart og þá aðallega þau bjargráð sem kennd voru og nýtast svo vel. 

 

Æðislegt og gagnlegt og fræðandi. Gott að hlusta á Guðrúnu Jóhönnu og hún útskírir vel.

​

Mér finnst Guðrún rosalega valdeflandi!

 

Fann loksins fólk eins og mig. Fannst ég ekki eins ein þegar ég var á námskeiðinu. Mjög gagnlegt. Takk fyrir mig.

 

Virkilega áhugavert og leidbeinandanum virkilega annt um vellídan og velgengni þátttakenda.

 

Mjög skemmtilegt og þægilegt námskeið. Frískandi að geta talað um svona hluti í fyrsta sinn við aðra en fjölskylduna.

 

Mjög gott námskeið, hjálpaði við að sjá að ég er ekki “ein” og að margir hlutir sem ég upplifi eru alveg eðlilegir.

​